الحب

الحب احلى حاجه فى الدنيا بس الحب عذاب صح؟
الحب سهر... الحب تفكير... الحب ... اللى واخد عقلك كلمه بنقولها لاى حد سرحان مع نفسه يبقى بيحب
اجمل كلام الحب سمعتها فى اغنيه امل حياتى لام كلثوم .. الله على الكلمات الشاعر اللى كتبها فنان بمعنى الكلمه
الحب يعنى سهر
العاشق او العاشقه مبينموش الليل يا عينى
كل واحد فى الاتنين يقعد يفكر ويحلم ببكره زى تامر حسنى فى اغنيه لما بتكون بعيد بحضر كلام اقولو .... هيقول ايه للتانى وقلبه يدق
ولما يقولو لبعض الكلام كله يقعد يفكر فى الكلام ويا سلام لما يضحكوا مع بعض كل واحد فيهم يبقى حاسس انى فى الجنه
الحب احلى شىء فى الدنيا
انا جربت الحب مره بجد بس كانت فيه ظروف
كنا بنحب بعض جدا كنا بنموت فى بعض بس جرح الحبيب زى ما بيقولو
زكل واحد را لحاله
المهم خلينا فى موضوعنا
اللى هو ايه؟
الحب
يا عينى على العشاق وهما بيبصوا لبعض ... بس مرايه الحب عميا
يعنى كل واحد شايف الحاجه الحلوه اللى فى حبيبه لكن مش شايف الحاجه ال .... مش هقول وحشه بس يعنى تكون مش مقبوله
احلى فتره هى فتره الخطوبه بيخرجوا مع بعض وكل الناس عارفه يحبوا بعض زى ما هما عايزين بس فى الحدود
بدل مايكونوا مش مخطوبين ويروحوا يستخبوا ويقابلها على الكورنيش ولا فى كازينو
......................................
فيه موقف طريف حصل لما كنا فى الثانويه كنا مروحين من المدرسه
وبعدين شفنا بنت وولد فى الثانويه بيتقابلوا ....... هوبا .............. ابوها شافهم بيتقابلوا كان راكب عجله رمى العجله فى الارض
وطلع يجرى ورا البت والواد وبعدين سابها وطلع يجرى ورا الواد وهاتك يا شتيمه كان منظر سينمائى جامد او مسرحيه كوميديه
ورجع ياخد العجله وبنته بتعيط راح ضاربها بالقلم يلا يابنت ال.............................. الخ الخ الخ
تلاقيها ماتت فى البيت من الضرب
يا عينى عليها

هل حصل معاك الموقف ده؟
مستنيه تعليقاتكم


اضغط هنا


0 التعليقات:

إرسال تعليق

التعليق هنا

Twitter Delicious Facebook Digg Stumbleupon Favorites More